Көңіл айтамыз!

Бүгін университет үшін, түлектер үшін ауыр күн болды.

Түркістан облысы мен университетіміздің мақтанышы, ҚР Президентінің Ерен еңбегі үшін медалінің иегері, театр және кино актері, ұлағатты ұстаз, әнші Марат Өмірханұлы Оразметов бүгін,

6 желтоқсан күні мәңгілік мекеніне аттанды.

Марат Оразметов 1978 жылы 7 наурыз күні Кентау қаласында дүниеге келген.

Қожа Ахмет Ясауи атындағы Халықаралық қазақ-түрік университетінің 1996-2000 жылғы түлегі.

Спорт және өнер факультетінің «актерлік өнер» білім беру бағдарламасының аға оқытушысы, актер шеберлігі, ән салу пәндерінен дәріс беріп келді.

Жастарға берері көп өз ісінің маманы еді.

Өзі қызмет ететін факультетте Түлектер қауымдастығының төрағасы болды.

Кез келген іс-шараның басы-қасында жанын салып жүретін еңбекқор, ақкөңіл жан болатын.

Артында қалған анасына, жары Мадина ханым мен ұл-қыздарына қайғыларына ортақтаса отырып көңіл айтамыз!

Видеода күні кеше университетімізде өткен іс-шарадағы соңғы көрінісі еді.

Бақұл бол, біздің сүйікті түлегіміз!