Достар, бізге Қызылорда облысы, Жаңақорған ауданындағы Zangar зияткерлік мектебінің жас жеткіншектері қонаққа келді.

6, 7, 8-сынып оқушылары Йассауи бабамыз туралы мәліметтер білгісі келген соң, біз Кәсіби бағдар бөлімімен бірге оқушыларға университет тынысымен таныстырдық.

Йассауиді танытуға белсенді студенттермен бірге мүмкіндігінше үлес қостық деп ойлаймын.

Актерлік өнер кафедрасының студенттері Йассауи туралы дайындап жатқан қойылымынан үзінді көрсетті.

Келген оқушыларымыздың ішінінен болашақта актер, өнер адамы болғылары келетіні анықталды.

Қойылымнан алған әсерлері жоғары болды.

Бұл үшін Спорт-өнер факультеті Түлектер қауымдастығының төрағасы Оразметов Маратқа алғысымызды білдіреміз!

Одан шығып оқушы қонақтарымыз Мәдениет орталығымен, ондағы мұражаймен таныс болды.

Университетіміздің кітапханасына саяхат жасады.

Кітапханадағы Йассауидің еңбектері мен ол туралы жазылған құнды деректер сақталған арнайы бөлмеде қонақ болды.

Оқушылардың қасында жүріп танытым жұмыстарымен айналысқан студенттеріміз барынша жоғарғы көңіл-күй мен қуаныш, ұмытылмастай естелік сыйлайтындай барын салды.

Студенттердің титаник аталып кеткен Орталық асханасынан тамақтанған оқушыларымыз таңданыстарын жасыра алмай ризашылықтарын білдіріп кетті.

Бұл оқушылырға жетекшілік етіп, өздерінің оқыған жерімен таныстыруға көш бастап келген тарихшы апайлары біздің түлектеріміз болатын.

Бүгінде ұстаздық етіп жүрген түлеткеріміздің Alma mater-ге келіп, сәлем беріп кеткендері біз үшін үлкен қуаныш…

Біздің есік жаңалыққа құштар ізденімпаз жастарға қашанда ашық!